Qeveria e Kosovës ka miratuar Strategjinë për sundimin e ligjit 2021-2026.

Ministrja e Drejtësisë, Albulena Haxhiu, në mbledhjen e sotme të qeverisë ka thënë se Strategjia për sundimin e ligjit është në përputhje me programin e qeverisë.

Ajo ka pohuar se si Ministri e Drejtësisë dhe si Qeveri kanë synim që ta kthejnë besimin e qytetarëve në institucionet e drejtësisë.

Ministrja Haxhiu ka thënë se përmes kësaj strategjie synohet fuqizimi i gjyqësorit, prokurorisë dhe i luftës anti-korrupsion.