Selatin Novosella

-“MENDIME TË ZGJEDHURA PËR ADEM DEMAÇIN” (16)

1. Revista “Forumi” (21 shkurt 1994): Adem Demaçi propozohet për çmimin “Nobel” për paqe
Revista “Forumi”, e cila botohet në Prishtinë, e datës 21 shkurt 1994, njofton se Adem Demaçi është në mesin e të propozuarve të tjerë për çmimin “Nobel” për paqe, për vitin 1994.

2. Gazeta “Bujku” (26 tetor 1995): Adem Demaçit iu dha çmimi “Lizel dhe Lio Aitinberg”
TVSH-ja dhe gazeta “Bujku” njoftojnë se Universiteti i Osllos, për vitin 1995, i ndau Adem Demaçit Çmimin tradicional të këtij universitet “Lizel dhe Aitinberg”, i cili mbanë emrat e bashkëshortëve, të cilët gjithë jetën ia kushtuan luftës për lirinë dhe të drejtat e njeriu.

3. Komuna e Prishtinës (28 nëntor 1999): Adem Demaçit i ndahet mirënjohja “Çlirimtar i Prishtinës”
Me rastin e shënimit të 28 Nëntorit 1999, në Prishtinën e lirë pas 28 nëntorit 1912, Komuna e Prishtinës i ndau Adem Demaçit mirënjohjen “Çlirimtar i Prishtinës”.

4. Akademia Kulturore “Iliria” (19 prill 2002): Adem Demaçit i ndahet “Medalja e Akademisë” nga Akademia Kulturore “Iliria”
Akademi Kulturore “Iliria”, në Romë, më 19 prill 2002, ia ndanë “Medaljen e Akademisë” personalitetit të shquar shqiptar, Adem Demaçit. Kjo Medalje është e nënshkruar nga Nermin Vlora-Falaski.

5. Shoqata “Mëmëdheu” (23 shkurt 2003): Adem Demaçit i ndahet mirënjohje nga Shoqata “Mëmëdheu”
Me rastin e 10-vjetorit të Shoqatës Kulturore Shqiptare “Mëmëdheu”, në St. Gallen të Zvicrës, i ndahet Adem Demaçit mirënjohje me motivacion: “Për kontributin e dhënë në mbarëvajtje të veprimtarisë së Shoqatës dhe kontributin e veçantë në luftën çlirimtare të UÇK-së”.

6. SHBPK (27 nëntor 2006): Adem Demaçit i jepet mirënjohje nga SHBPK
Me rastin e 10-vjetorit të themelimit të Shoqatës së të Burgosurve Politikë të Kosovës, i ndahet mirënjohje Adem Demaçit, “Për kontribut të jashtëzakonshëm në çështjen e Lirisë si dhe në frymëzimin, organizimin dhe kalitjen e brezave të shumtë të luftëtarëve të lirisë”. Mirënjohjen ia dorëzon kryetari i SHBPK-së, Hydajet Hyseni.

7. Klubi Krijues “Rrjedha” (17 janar 2007): Adem Demaçit i ndahet Çmimi “Jusuf Gërvalla”
Siç njofton gazeta “Focus” e Prishtinës, në manifestimin e Klubit Krijues “Rrjedha” në Deçani, i cili u mbajt nën patronatin e Kryeministrit të Kosovës, Agim Çeku, iu nda Adem Demaçit Çmimi “Jusuf Gërvalla”, për vitin 2007.

8. LSHK (28 tetor 2007): Adem Demaçi fitoi shpërblimin “Pjetër Bogdani”
Siç njofton gazeta “Koha Ditore” e Prishtinës, në manifestimin “Takimet e shkrimtarëve Hivzi Sulejmani”, ish-kryetari i Lidhjes së Shkrimtarëve të Kosovës, Adem Demaçi, fitoi çmimin kryesor “Hivzi Sulejmani” për vitin 2007, për romanin “Dashuria kuantike e Filanit”.

9. Qeveria e Kosovës (27 nëntor 2008): Adem Demaçit i ndanë mirënjohje Kryeministri i Kosovës
Me rastin e shënimit të 40-vjetorit të demonstratave të vitit 1968, Adem Demaçit, i ndanë mirënjohje Kryeministri i Republikës së Kosovës, Hashim Thaçi, me këtë motivacion: “Për misionin frymëzues te organizatorët e demonstratave të para të pas Luftës së Dytë Botërore, me kërkesa për: “Vetëvendosje për Viset Shqiptare në pushtimin e ish-Jugosllavisë, Republikën e Kosovës, Flamurin kombëtar, Universitetin e Prishtinës”.

10. Komuna e Tetovës (21 dhjetor 2008): Adem Demaçit i ndanë mirënjohje Komuna e Tetovës
Me rastin e shënimit të 40-vjetorit të demonstratave të vitit 1968 në viset shqiptare në Maqedoni, Adem Demaçit i ndanë mirënjohje kryetari i Komunës së Tetovës, Hazbi Lika, me motivacion: “Simbolit të qëndresës shqiptare dhe frymëzuesit për organizimin e Demonstratave të vitit 1968, me kërkesat për: “Vetëvendosje të trojeve shqiptare në ish-Jugosllavi, përdorimin e flamurit kombëtar dhe hapjen e Universitetit në gjuhën shqipe”.

11. Komuna e Gjilanit (janar 2009): Adem Demaçit i ndanë mirënjohje Komuna e Gjilanit
Me rastin e organizimit të manifestimit tradicional “Flaka e Janarit 2009”, Adem Demaçit i ndahet mirënjohje nga kryetari i Komunës së Gjilanit, Qemajl Mustafa.

12. Komuna e Kërçovës (17 janar 2009): Adem Demaçit i ndahet mirënjohje nga Komuna e Kërçovës
Me rastin e organizimit të Manifestimit “Flaka e Janarit 2009” në Kërçvovë, Adem Demaçit iu nda mirënjohje me motivacion: “Për kontributin atdhetar të dhënë gjatë kthesave historike kombëtare”, të nënshkruar nga Fazli Veliu, kryetar i Shoqatës së Veteranëve të Ushtrisë Çlirimtare Kombëtare.

13. Komuna e Vushtrrisë (8 tetor 2009): Adem Demaçit i ndahet Çmimi “Hasan Prishtina”
Në manifestimin kulturor “Ditët e Hasan Prishtinës”, i mbajtur në Vushtrri, më 8 tetor 2009, iu nda Adem Demaçit Çmimi “Hasan Prishtina”. Vendimin për ndarjen e këtij Çmimi të Kuvendit Komunal të Vushtrrisë e lexoi kryesuesi i komunës, Ferit Idrizi.

14. Komuna e Drenasit (15 qershor 2010): Adem Demaçi shpallt “Qytetar Nderi” i Drenasit
Siç njofton gazeta “Epoka e ee” e Prishtinës, këshilltarët e Komunës së Drenasit, me votat e tyre unanime, kanë vendosur që: “Për kontributin e tij të madh për çështjen kombëtare dhe për rezistencën dhe qëndresën e vazhdueshme në gjitha fazat e përpjekjeve për lirinë e Kosovës, Adem Demaçin ta shpallin “Qytetar Nderi” të Drenasit.

15. SHFD dhe SHIL (nëntor 2010): Adem Demaçit i japin mirënjohje SHFD të UÇK-së dhe SHIL të UÇK-së
Shoqata e Familjeve të Dëshmorëve të UÇK-së dhe Shoqata e Invalidëve të Luftës së UÇK-së, i japin mirënjohje Adem Demaçit me këtë motivacion: “Simbolin e rezistencës kombëtare, Adem Demaçi, për kontributin e jashtëzakonshëm të dhënë për çlirimin e Kosovës”.

16. Presidenca e Kosovës (26 nëntor 2010): Adem Demaçit i jepet urdhri “Hero i Kosovës”
Në vigjilje të Festës së Flamurit, U.D. së presidentit të Republikës së Kosovës, Jakup Krasniqi, i jepet Adem Demaçit dekorata më e lartë e Republikës së Kosovës Urdhri “Heroi i Kosovës”, me këtë motivacion: “Për kontribut të veçantë dhënë frymëzimit politik dhe udhëheqjes së rezistencës e luftës për liri e bashkim kombëtar të trojeve shqiptare”.

17. Komuna e Malishevës (3 dhjetor 2010): Adem Demaçit i ndahet Çmimi “Dr. Tafil Kelmendi”
Shoqata për Kulturë dhe Letërsi e Malishevës. “Dr. Tafil Kelmendi”, i ndau Çmimin vjetor Adem Demaçit, me motivacion: “Ky Çmim i ndahet Adem Demaçit për kontributin e dhënë në fushën e kulturës, veçmas në krijimtarinë letrare”.

18. Presidenca e Shqipërisë (10 qershor 2012): Adem Demaçit i jepet dekorata “Nderi i Kombit”
Me rastin e shënimit të 100-vjetorit të Pavarësisë së Shqipërisë, presidenti Bamir Topi i dha Adem Demaçit dekoratën më të lartë të Shqipërisë, “Nderi i Kombit”. Në këtë solemnitet presidenti Topi tha: “Më lejoni të veçoj në nderimin e sotëm një emër simbol qëndrese dhe disidence, një intelektual atdhetar dhe qytetar, shkrimtarin dhe veprimtarin e të drejtave të njeriut, “Mendelën e Lirisë” dhe heroin e gjallë të Kosovës, Adem Demaçin. Miku im Adem, jemi me fat që ju kemi sot midis nesh. Ju keni qenë dhe jeni nderi i kombit shqiptar, por nga sot edhe zyrtarisht e meritoni këtë titull të lartë nderimi”.

19. Krijuesit durrsakë (mars 2013): Krijuesit e Durrësit i ndajnë Adem Demaçit mirënjohje
Shoqata e Krijuesve durrsakë i ndajnë mirënjohje Adem Demaçit në Durrës. Mirënjohjen Demaçit ia dorëzon shkrimtari Nikolla Spatharim

20. Komuna e Rahovecit (12 mars 2013): Adem Demaçit i ndanë mirënjohje Komuna e Rahovecit
Kryetari i Komunës së Rahovecit, Smajl Latifi, i jep mirënjohje Adem Demaçit, me këtë motivacion: “Me rastin e 32-vjetorit të demonstratave të vitit 1981, për kontributin e dhënë për çështjen kombëtare”.

21. Kolegji “ILIRIA” (17 maj 2013): Adem Demaçit i ndanë mirënjohje Kolegji “ILIRIA”
Kolegji “ILIRIA” në Prishtinë i ndanë mirënjohje Adem Demaçit, me rastin e përurimit të Trilogjisë së autorit Selatin Novosella kushtuar tri gjykimeve të Adem Demaçit. Mirënjohjen Demaçit ia dorëzon rektori i kolegjit, Mixhait Reçi.

22. Komuna e Ferizajt (19 tetor 2013): Adem Demaçit i ndanë mirënjohje Komuna e Ferizajt
Komuna e Ferizajt i ndanë mirënjohje Adem Demaçit, me rastin e përurimit të Trilogjisë së autorit Selatin Novosella, kushtuar tri gjykimeve të Demaçit. Mirënjohjen Demaçit ia dorëzon kryetari i komunës, Agim Aliu.

23. LKSH (28 nëntor 2014): Adem Demaçit i ndanë mirënjohje Lëvizja Kombëtare Shqiptare Pajtimi i Gjaqeve
Lëvizja Kombëtare Shqiptare Pajtimi i Gjaqeve, i ndanë Adem Demaçit mirënjohje me këtë motivacion: “Me rastin e 25-vjetorit të themelimit të kësaj Lëvizjeje, i ndanë mirënjohje Adem Demaçit për veprimtarinë atdhetare dhe humanitare”.

24. Komuna e Prishtinës (11 qershor 2015): Zbulohet Pllaka kushtuar veprimtarisë së Adem Demaçit
Me rastin e Ditës së Çlirimit të Prishtinës, në lagjen “Tophane” është përuruar Pllaka kushtuar veprimtarisë së Adem Demaçit gjatë kohës sa ishte Përfaqësues Politik i Ushtrisë Çlirimtare të Kosovës. Pllakën e zbuloi kryetari i komunës së Prishtinës, Shpend Ahmeti.

25. RTK (17 tetor 2015): Adem Demaçit i ndanë mirënjohje Radio Televizioni i Kosovës
Me rastin e shfaqjes së filmit dokumentar kushtuar jetës dhe veprës së Adem Demaçit, Radio Televizioni i Kosovës i ndanë Demaçit mirënjohje me motivacion: “Për kontributin e jashtëzakonshëm në avancimin e fjalës së lirë dhe zhvillimin e transmetuesit publik të Kosovës, RTK-së”, të cilën ia dorëzon kryetari i bordit të RTK-së, Ismet Bexheti.

26. Komuna e Mitrovicës (2016): Me emrin e Adem Demaçit emërtohet një park në Mitrovicë
Në vitin 2016, me rastin e shënimit të 80-vjetorit të lindjes së Adem Demaçit, komuna e Mitrovicës ka emërtuar një park të qytetit me emrin e Adem Demaçit.

27. Komuna e Prishtinës (2016): Me emrin e Adem Demaçit emërtohet një shesh në Prishtinë
Në vitin 2016, me rastin e shënimit të 80-vjetorit të lindjes së Adem Demaçit, komuna e Prishtinës ka emërtuar një shesh të qytetit me emrin e Demaçit.

28. Komuna e Skenderajt (2016): Me emrin e Adem Demaçit emërtohet një rrugë në Skenderaj
Në vitin 2016, me rastin e shënimit të 80-vjetorit të lindjes së Adem Demaçit, komuna e Skenderajt ka emërtuar një rrugë të qytetit me emrin e Adem Demaçit.

29. Komuna e Strugës (22 korrik 2016): Adem Demaçit i ndahet mirënjohje nga Komuna e Strugës
Me rastin e manifestimit kulturor të mbajtur në Strugë, më 22 korrik 2016, në shenjë nderimi për 80-vjetorin e lindjes së Adem Demaçit, kryetari i Komunës së Strugës, Zijadin Sela, i ndau “Mirënjohje” Adem Demaçit.

30. SHBPK (20 dhjetor 2016): Adem Demaçit i ndanë mirënjohje Shoqata e të Burgosurve Politikë të Kosovës
Në 20-vjetorin e themelimit të Shoqatës së të Burgosurve Politikë të Kosovës i ndahet mirënjohje me motivacin: “Për kontributin e tij të veçantë për themelimin e Shoqatës së të Burgosurve Politikë të Kosovës, për organizimin dhe afirmimin e saj, veprimtarinë e saj të suksesshme gjatë këtyre viteve dhe për rolin e tij udhëheqës dhe frymëzues për anëtarësinë e gjerë”. Mirënjohjen Demaçit ia dorëzon kryetari i SHBPK-së, Hydajet Hyseni.

31. Asociacioni Ndërkombëtar i Edukatorëve për Paqe Botërore: “Diplomë nderi” për Adem Demaçin
Adem Demaçit, në vitin 1992, Asociacioni Ndërkombëtar i Edukatorëve për Paqe Botërore i ndau “Diplomë nderi” për njohje të shërbimit të jashtëzakonshëm ndaj komunitetit dhe interesimit të dukshëm për të gjithë njerëzit. (Fund)