Kristina Joksimovic, finaliste e konkursit të bukurisë Miss Zvicra është vrarë dhe trupi i saj është copëtuar, kurse i shoqi ka pranuar krimin duke deklaruar se e kreu atë për vetëmbrojtje, raporton noa.al duke cituar “20 Minuten”.

Mbetjet e trupit të modeles 38-vjeçare Kristina Joksimovic u gjetën në 13 shkurt 2024 në qytezën e Binningen në Zvicër.

E ndjera u mbyt dhe më pas u pre me gërshërë kopshti përpara se të futej në një blender grirës nga bashkëshorti i saj. Nuk u ndal këtu, përdori lëndë kimike për të shkrirë trupin e grirë në blender.

Hetimi nxori se ajo ishte vrarë nga bashkëshorti i saj, biznesmeni vendas, 41 vjeçari Thomas L. Ai sot doli para gjykatës së Apelit në Lozanë ku kërkoi liri me kusht. Gjykata refuzoi ta lërë të lirë.

Burri tha se e vrau të shoqen sepse ajo iu drejtua me një thikë dhe ai u ndje i kërcënuar ndaj e mbyti.

I dyshuari tha se më pas kreu veprimet monstruoze pasi ishte nën panik për atë që i kishte bërë të shoqes me të cilën kishte dy fëmijë.

Kristina, e lindur në Binningen me origjinë nga Serbia, kishte kaluar nga pasarelat në mësimin e modelingut për vajza të reja dhe konkurente të Miss Zvicra.

Ajo kishte fituar më parëkompeticionnin Miss Zvicra Veriore dhe më vonë ishte finaliste e Miss Zvicra.