PSV Eindhoveni përforcon sulmin me Costas Mitroglou. “Bomberi” grek do të tentojë të rikthehet në formën më të mirë në kampionatin holandez pas aventurave me shumë ekipe si Fulham, Olympiacos, Benfica e Marseille.

Së fundmi 31-vjeçari luajti me Galatasarayn, por pas 6 muajsh drejtuesit nuk ishin të kënaqur me paraqitjet e tij, ndaj vendosën ta huazonin për një sezon te PSV-ja, me klubin holandez që ka pranuar të paguajë 1.2 milion euro për këtë operacion.

Në gjysmën e dytë të sezonit të kaluar me gjigantët turq, Mitroglou u aktivizua në vetëm 7 ndeshje të kampionatit, duke shënuar vetëm 1 gol, statistika këto aspak të mira për një sulmues të këtij niveli.