![](https://www.epokaere.com/wp-content/uploads/2023/05/erden-atiq-600x360-1.webp)
Mitrovica e Veriut refuzon kërkesën për peticion për shkarkimin e Atiqit
12 dhjetor 2023
| 13:24
Kryesuesi i Kuvendit Komunal në Mitrovicë të Veriut, Nexhat Uglanin, ka njoftuar se nuk e kanë pranuar kërkesën e qytetarëve për inicim të peticionit për shkarkimin e kryetarit Erden Atiq.
Ai ka thënë se kërkesa nuk ka qenë në përputhje me udhëzimin administrativ të hartuar nga Ministria e Administrimit dhe Pushtetit Lokal (MAPL).
“S’e kemi pranuar kërkesën. Nëse e dorëzojnë prapë kërkesën e njëjtë, prapë nuk e pranojmë se ajo duhet të jetë e bazuar sipas Udhëzimit Administrativ”, ka thënë Uglanin për “Express”.
Ai ka thënë se i kanë përcjellë njoftim edhe MAPL-së që nuk e kanë pranuar kërkesën.
Uglanin ka bërë me dije se grupi iniciues mund të dërgojnë prapë kërkesë për inicim të peticionit.