Janë mbajtur zgjedhjet për kryetar dhe anëtarë të këshillave të fshatrave Shupkovc, Zasellë dhe Cërnushë në Mitrovicë.

Në një frymë demokratike, kryetar i Këshillit është zgjedhur Nexhat Shabani, ndërsa këshilli i fshatit do të ketë në përbërje gjithsej 9 anëtarë.

Procesi i përzgjedhjes është realizuar në prani të nënkryetarit të komunës, Arian Tahiri dhe anëtarëve të komisionit për zgjedhjen e këshillave lokal, Jeton Ujkani, Valbona Sadiku, Majlinda Kurti, Xhyljeta Morina Imeri.

Nënkryetari Tahiri, pasi i uroi suksese kryetarit dhe këshillit të fshatrave, u zotua për bashkëpunim të ngushtë në të mirën e banorëve të fshatrave.