Ministri i Kulturës, Rinisë dhe Sportit, Hajrulla Çeku, ka bërë të ditur se sot kanë nënshkruar memorandum me Federatën e Futbollit të Kosovës.

Çeku tha se memorandumi me FFK-në ka të bëjë me investimin e përbashkët prej 1.3 milion euro për rindërtimin e tërësishëm të fushës së stadiumit “Fadil Vokrri”.

“Punimet do të nisin së shpejti dhe stadiumi do të jetë i gatshëm për ndeshje vendore dhe ndërkombëtare. Vazhdojmë me shumë punë të mira anekënd Kosovës për konsolidimin e infrastrukturës së futbollit”, shkroi Çeku.

Për shkak të punimeve në stadiumin “Fadil Vokrri”, kombëtarja e Kosovës në futboll nuk mund të zhvillojë ndeshje në kryeqytet deri në përfundimin e punimeve.