Mesfushori i Kroacisë, Luka Modriq shpreson që Lionel Messita ta fitojë Kampionatin Botëror. Pas eliminimit të Kroacisë, Modriqi theksoi se Messi po e tregon vetën në secilën ndeshje.

“Shpresojmë që Messi ta fitojë këtë Botëror, ai është lojtari më i mirë në histori dhe e meriton. Ai po bën një Botëror të madh, ai po tregon cilësitë dhe madhështinë e tij në çdo ndeshje”, ka thënë Modriq.

Kroacia do ta ketë edhe një ndeshje ku do të luajë për vendin e tretë, e aty e pret humbësin e lojës Francë-Marok.