Mesfushori veteran, Luka Modriq ka vazhduar kontratën me Real Madridin.

Reprezentuesi kroat me kontratën e re do të jetë pjesë e “mbretërve” deri më 30 qershor të vitit të ardhshëm. Lajmin e ka bërë të ditur klubi mbretëror përmes një komunikate të lëshuar në faqen zyrtare.

“Real Madrid CF dhe Luka Modriq kanë rënë dakord për të vazhduar kontratën e lojtarit, i cili mbetet i lidhur me klubin deri më 30 qershor 2024”, thuhet në komunikatë.

Modriqi iu bashkua Real Madridit në vitin 2012 kur u transferua nga Tottenham Hotspur.

Comunicado Oficial: Modrić.#RealMadrid | #Modrić2024

— Real Madrid C.F. (@realmadrid) June 26, 2023