Shefja për politik të jashtme e Bashkimit Evropian (BE), Federica Mogerini, ka thënë të premten në Vjenë se çdo marrëveshje e arritur nga Kosova dhe Serbia në përputhje me të drejtën ndërkombëtare do të ketë mbështetjen e BE-së.

Ajo ka thënë se BE-ja nuk mbështet vendet etnikisht të pastra. “Ne jemi duke punuar për të arritur një marrëveshje ligjërisht të detyrueshme dhe jemi të vendosur që bisedimet të përfundojnë në muajt e ardhshëm, të cilat do të jenë të vështira, por jo të pamundura”, ka thënë Mogherini, pas takimit jozyrtar të ministrave të jashtëm të BE dhe vendeve të Ballkanit Perëndimor.