Para rreth 1 ore, në Thumanë pati sërish lëkundje të tokës të intensitetit 5.3 ballë të Rihterit.

Në momentin kur ra tërmeti, presidenti i Kosovës, Hashim Thaçi, që po qëndron në Shqipëri pas tërmetit tragjik të djeshëm, po jepte një deklaratë për mediat atje.

Në prapavijë vërehet se objektet lëkunden dhe bien copa betoni nga lartësia, ndërsa edhe presidenti Thaçi frikësohet duke u kthyer për të parë si është gjendje prapa tij.

Nga tërmeti i djeshëm, deri më tani janë konfirmuar 27 viktima, ndërsa të lënduar janë mbi 600.