Turqia ia doli të kualifikohej në raundin tjetër, pas fitores 2-1 ndaj Republikës Çeke. Të besuarit e italianit, Vincenzo Montella, treguan shumë karakter dhe arritën të fitonin një ndeshje shumë të vështirë, pavarësisht se patën një avantazh të madh, teksa futbollisti Barak i Çekisë u largua me karton të kuq, që në mesin e pjesës së parë.

“Prej shumë vitesh nuk kalonim fazën e grupeve, tani besoj do të luajmë pa presion. Për Çalhanoglu? Ai është një futbollist i madh dhe shumë i rëndësishëm. Jam i lumtur që shënoi. Tani ta shijojmë suksesin dhe nga nesër do të mendojmë për Austrinë”, ka thënë Montella.