Përparim Gruda i PDK-së, ka reaguar ashpër ndaj vendimit të Gjykatës Speciale që nuk e lejoi ish-presidentin Hashim Thaçi të merrte pjesë në varrimin e babait të tij.

Gruda e ka cilësuar këtë vendim si jokushtetues dhe joligjor, duke theksuar se Kosova e ka themeluar këtë gjykatë me shpresën për drejtësi evropiane.

Ai ka kritikuar ashpër veprimet e Speciales, duke thënë se ato nuk kanë asnjë lidhje me standardet e një gjykimi të drejtë dhe se përbëjnë një persekutim të pastër, që është krejtësisht i papranueshëm.

Postimi i plotë:

Vendimi i Gjykatës Speciale për të mos lejuar presidentin Thaçi të marrë pjesë në varrimin e babait të tij është jokushtetues dhe joligjor.

Kosova e themeloi këtë gjykatë me besimin se do të ofronte drejtësi evropiane. Ajo që po bën Gjykata Speciale sot nuk ka asnjë lidhje me drejtësinë evropiane dhe standardet e një gjykimi të drejtë.

Kjo nuk është drejtësi – është persekutim i pastër, krejtësisht i papranueshëm.