Ish-këshilltari i ish-presidentit të Kosovës, Hashim Thaçi, Adil Behramaj, ka kritikuar ndërkombëtarët për mos reagim ndaj veprimit të kryeministrit Albin Kurti për të mos u paraqitur në Prokurorinë Speciale për intervistim.

Ai ka bërë me dije se ish-presidentit Thaçi i vinin në zyre ambasadorët nga dy herë në ditë, duke i kërkuar të raportonte para një Komisioni Parlamentar.

Në profilin e tij në “Facebook”, ai ka shkruar se ndërkombëtarët po përdorin standarde të dyfishta.

“Ku është more presioni ndërkombëtar ndaj Kurtit për të shkuar në Prokurori? Çka është ky standard i dyfishtë? Presidentit Thaçi i vinin ambasadorët nga dy herë në ditë, duke i kërkuar të raportonte para një Komisioni Parlamentar. Sa më shumë që Kurti po i sfidon institucionet e Kosovës, aq më shumë po amnistohet nga bashkësia ndërkombëtare!”, ka shkruar Behramaj.