Një sukses i tillë, 2-0 kundër Man.City është një arsye e fortë për të qenë krenar.

Thiago Motta e shijon në maksimum fitoren përballë “qytetarëve”, për trajnerin e Juves dhe për të gjithë ambientin në Torino, kjo fitore do të thotë shumë:

“Bëjmë këtë punë pikërisht për të përjetuar këto emocione. Dua të falënderoj djemtë për këtë ndeshje të madhe. Kemi luajtur gjithnjë si skuadër, në momente të bukura ose jo. Ishte një fitore e rëndësishme për grupin, për personat që punojnë për këtë klub. Do të punojmë ditë pas dite për t’u përmirësuar akoma më shumë. Tani duhet të rikuperojmë mirë dhe të mendojmë për ndeshjet e radhës”, u shpreh Motta.

E ka të vështirë të gjejnë fjalët e duhura pas një humbje të tillë, e dyta në Champions, e teta në total në 10 ndeshjet e fundit këtë sezon, por Pep Guardiola i bën komplimente edhe një herë djemve për paraqitjen përballë Juves:

“Luajtëm shumë mirë. Komplimente Juves. Na mungoi vetëm goli, pasi final, por luajtëm mirë. A është tani kualifikimi në rrezik? Po, duhet të fitojmë me çdo kusht. Do të shkojmë në Paris për të synuar fitoren, më pas luajmë ndeshjen e fundit të shtëpi”, theksoi Guardiola për mediat.