Juventusi luajti baras me Atalantën në Serie A, derisa trajneri Thiago Motta është shprehur i pakënaqur me barazimin 1-1.

“Nuk jemi të kënaqur me këtë rezultat. Zhvilluam një ndeshje të madhe, por siç ka ndodhur shpesh këtë periudhë nuk arritëm dot të fitonim. Shpirti i ekipit është ai i duhuri, e vërtetoi edhe një herë. Është e vërtetë që kemi bërë shumë barazime, kjo nuk na bën të jemi të lumtur. Vlahoviq? Shpresojmë ta rikuperojmë për ndeshjen e radhës, por duhet të jemi të kujdesshëm për të mos e humbur për më gjatë”, u shpreh Motta.