Jose Mourinho ka pranuar se ai do të ishte trajner i një klubi rival të Interit “pa menduar dy herë”.

Ai është njëri nga trajnerët më të suksesshëm në historinë e “Nerazzurrëve”.Mourinho kishte fituar tripletën në vitin 2010 dhe është trajneri i fundit i huaj që ka fituar një titull në Serie A.

Sidoqoftë, ai ka pranuar se do të kthehej në Serie A për të drejtuar një klub rival të kampionëve të ardhshëm italian.

“Do të përpiqesha të shkoja në drejtim të miqve të mi. Ku ka më shumë njerëz nga koha ime? I njëjti president? I njëjti pronar? Lojtarët cilët ishin lojtarët e mi? Unë u jam mirënjohës të gjithëve. Unë i paguaja me punën time për të fituar. Të fitosh më shumë, të fitosh më pak, mos të fitosh, unë jap gjithçka që kam për çdo klub ”,

“Kur largohem nga klubet them vetëm gjërat e mira për klubin. Unë nuk jam lloji i personit që do të lajë rrobat e ndyra, jo! Unë gjithmonë shkoj në pozitive. Inter! Kam fituar gjithçka me Interin. Ka një dashuri të veçantë. Por nëse një ditë duhet të shkoj në Itali dhe të drejtoj një klub rival, nuk mendoj dy herë. Unë kam këtë mënyrë profesionale të vështrimit të gjërave. Ndihem mirë me veten time”, ka thënë portugezi për “The Times”.

Interi ka mundur Crotonen dje dhe do të fitojë titullin e tyre të parë në 11 vjet nëse Atalanta dështon ta mundë Sassuolon sot.