Presidenti i Kosovës, Hashim Thaçi dhe lideri i PDK-së, Kadri Veseli kanë pritur një mysafir jo të zakonshëm në zyrat e tyre.

Ata sot i ka vizituar reperi i njohur Gramoz Aliu i njohur si Mozzik, i cili ua ka dhuruar nga një kopje të  albumit të tij të ri.

“Në shenjë respekti për figurat më të shquara të UÇK-së , sot ua dhashë nga një Album (cd) timin që në kohën e lirë ta dëgjojnë e ta shijojnë”, ka shkruar Mozzik, i cili vazhdon ta cilësojë albumin e tij si një aset kulturor.

Pak javë më parë Mozzik kishte organizuar një turne nëpër Kosovë, ndërsa ishte ndërprerë nga policia për shkak të situatës me pandeminë.