Ministri në detyrë i Punëve të Brendshme (MPB), Ekrem Mustafa, ka pritur në takim zëvendësatashenë e FBI-së, Michelle L. Miller.

Mustafa në prani të Michelle Miller dhe kryeshefit të Agjencisë së Kosovës për Forenzikë (AKF), Blerim Olluri, ka nënshkruar marrëveshjen e bashkëpunimit në mes të Ministrisë së Punëve të Brendshme dhe FBI-së në fushën e forenzikës.

Kjo marrëveshje ka për qëllim vazhdimin e bashkëpunimit në mes këtyre dy institucioneve në fushën e forenzikës.

Ministri Mustafa ka falënderuar Millerin për besimin ndaj MPB-së dhe institucioneve të sigurisë, në veçanti për besimin ndaj AKF-së.

/Epoka e re/