Ministria e Punëve të Jashtme i ka reaguar brendit të njohur “La Coste”, i cili sponsorizon tenistin serb, Novak Djokoviq, kjo pasi ky i fundit nderoi tre terroristët që u vranë në veri.

MPJ përmes një shkrimi në Twitter, ka etiketuar brendin duke i përmendur se polici i vrarë, Afrim Bunajku, ka qenë një baba, bashkëshort dhe shërbyes i shtetit të tij dhe gjithë qytetarëve.

“Ai u vra në në sulm terrorist i cil u dënua nga ShBA dhe BE-ja. Personi që ju e sponsorizoni, Djokoviq, sapo nderoi këta terroristë para 13.9 milionë ndjekësve të tij”,  thuhet në postim.

Po ashtu, MPJ-ja ka pyetur nëse brendi miliardë dollarësh dëshiron të jetë i lidhur me glorifikimin e terrorizmit.

“Ju me sigri nuk dëshironi që biznesi juaj miliardë dollarësh të jetë i lidhur me glorifikimin e terrorizmit?”, thuhet në fund.