Kryetari i Pejës, Gazmend  Muhaxheri dhe deputeti i LDK-së, Anton Quni kanë shijuar “Darkën e Lamës” në Bruksel.

Përmes një postimi në “Facebook”, Quni ka thënë se kjo traditë e hershme e tyre është organizuar nga Dega e Lidhjes Demokratike në Beneluks, me kryetar Bahtir Kastrati.

“Në vazhdën e takimeve me bashkëkombësit tanë, kësaj radhe, së bashku me nënkryetarin e LDK-së dhe kryetarin e Pejës, z.Gazmend Muhaxherin, u mirëpritëm me ‘Darkën e Lamës’ në Bruksel. Kjo traditë e hershme e përzemërt e jona, u organizua nga Dega e Lidhjes Demokratike në Beneluks, me kryetar Bahtir Kastrati, i cili me shumë aktivistë të tjerë, po bëjnë një punë të palodhshme në mobilizimin dhe përkrahjen masive të LDK-së, në rikthimin e saj në krye të vendit. E përgëzoj degën e LDK-së për organizimin dhe mbajtjen gjallë të traditës sonë të hershme dhe mirënjohje pafund për bashkëkombësit tanë në Beneluks dhe anekënd Evropës!”, ka shkruar Quni.