Muhaxheri: LVV dhe PDK janë marrë vesh për datën e zgjedhjeve, më së largu më 7 korrik

14 maj 2024 | 22:11

Nënkryetari i Lidhjes Demokratike të Kosovës, njëherësh kryetari i Pejës, Gazmend Muhaxheri ka thënë se Partia Demokratike e Kosovës dhe Lëvizja Vetëvendosje në takimin e mbrëmshëm janë marrë vesh për datën e zgjedhjeve.

Sipas Muhaxherit data e zgjedhjeve do të jetë më së largu deri më 7 korrik.

“Janë marrë vesh edhe për datë të zgjedhjeve, më së largu me 7 korrik. Kur ka kësi afrimi është mundësia edhe për marrëveshje më të mëdha. Publikohet data në ditët në vijim”, tha Muhaxheri në Rubikon.

Ai bëri të ditur se pas refuzimit të djeshëm, kryeministri Kurti e kishte ftuar Abdixhikun për një takim edhe njëherë gjatë ditës së sotme.

Kryetarët e partive tjera opozitare, Lidhjes Demokratike të Kosovës (LDK), dhe Aleancës për Ardhmërinë e Kosovës (AAK), e kanë refuzuar ftesën për takim.

Ndërsa, kryeministri Kurti, ka thënë të hënën se është i interesuar që të diskutojë me subjektet politike për datën më të përshtatshme për zgjedhjet e reja parlamentare në Kosovë.

Mandati katërvjeçar i Qeverisë aktuale përfundon në fillim të vitit 2025.

“Që nga marsi i këtij viti nuk mund të themi që zgjedhjet e radhës janë çështje të viteve, por të muajve, andaj unë jam i interesuar të diskutoj me PDK-në, LDK-në dhe AAK-në se cila është stina më e përshtatshme për zgjedhjet e radhës, më mirë është në pranverë ose në vjeshtë”, ka thënë Kurti.

Ai ka thënë se do t’i vazhdojë diskutimet në këtë drejtim edhe me partitë tjera opozitare.

Lajme të sponsorizuara

Të Fundit
22 korrik17:02

Departamenti amerikan i Shtetit e emëron pasuesin e Escobarit: Aleksander Sasha Kasanof
22 korrik16:54

“Gjithçka inskenim”, konspiracionisti ‘analizon’ rastin e Faton Hajrizit: Ai duhet të jetë gjallë, Daçiçit nuk mund t’i besohet asgjë
22 korrik16:44

Deklarata se Serbia po ndihmon arratisjen e të burgosurve kosovarë, Prokuroria Speciale merr në pyetje Ministren Albulena Haxhiu
22 korrik16:37

Këta janë kandidatët që garuan për rektor të UP-së, garë e fortë pritet të jetë në mes Arben Hajrullahut dhe Eda Vulës
22 korrik16:28

Shqipëria dhe Koreja e Jugut drejt zgjerimit të bashkëpunimit në tregti
22 korrik15:52

Kryeministri Kurti vizitoi për ngushëllime familjen Gjonbalaj
✖
Të fundit
Shtetet e Bashkuara po synojnë që asetet ruse të sekuestruara,…