Sulmuesi i Bayern Munchenit, Thomas Muller, po pret me padurim një ndeshje të rëndësishme dhe vendimtare në Ligën e Kampionëve.

Interi do ta presë të mërkurën në “San Siro” Bayernin në ndeshjen hapëse të grupeve. Pas barazimit zhgënjyes të Bayern Munichit ndaj Union Berlinit, Mulleri dha mendimin e tij për sfidën ndaj zikaltërve.

“Shpresoj për një rezultat më të mirë se kundër Unionit. Kjo është e sigurt. Do të jetë një ndeshje shumë e rëndësishme dhe vendimtare për të dyja skuadrat. Në një fazë grupore si kjo, loja hapëse është thjesht shumë e rëndësishme për moralin dhe për rrugëtimin në këtë turne. Unë kam qenë në gjendje të luaj disa herë në San Siro. Nuk është stadium më modern, por unë isha atje si spektator si fëmijë dhe jam ende shumë i impresionuar nga historia”, ka thënë Muller.