Sulmuesi i Bayern Munchen i ka bërë komplimente trajnerit Hans-Dieter Flick.

Duke folur për “Süddeutsche Zeitung”, sulmuesi e ka krahasuar identitetin e skuadrës aktuale me atë të kohës së Pep Guardiolës.

“Mënyra jonë e lojës është e dallueshme, njësoj si në kohën e Pep Guardiolas”, ka thënë gjermani.

“Çdo lojtar shprehet në maksimum në rolin e tij. Kjo bën të mundur që gjithë skuadra të shprehet në nivele të larta dhe të rritet si kolektiv, duke fshehur pikët e dobëta. Luhet si skuadër, nuk ekziston individi. E njihja Flick më parë, por vetëm si trajner të dytë. Nuk imagjinoja që të kishte kaq shumë njohuri. Shikoj lojtarët e rinj shumë të motivuar dhe veteranët që kanë dëshirë të provojnë gjëra të reja. Kjo përzierje mund të sjellë gjëra të rëndësishme…”, ka thënë Muller.