Sekretarja e përgjithshme e PDK-së, Vlora Çitaku, ka reaguar ndaj letrës së komandantit të FSK-së, Bashkim Jashari, në të cilën flitet për mungesën e ushqimit për ushtarët.

Ajo ka thënë se nuk është duke gjetur fjalë për ta shfryer mllefin.

“Sot u publikua një letër e komandantit të FSK-së, ku alarmohej për mungesë ushqimi për ushtarët e FSK-së. S’po gjejë fjalë me e përshkruar mllefin. Kjo qeveri është e papërgjegjshme, e paaftë, e rrezikshme. Turp për besë”, ka shkruar Çitaku në “Facebook”.