Analisti i përhershëm i emisionit “Favorit” në T7, Ismet Munishi, ka folur rreth pozitës së trajnerit te Kombëtarja e Kosovës.

Ai u pyet për këmbënguljen e trajnerit të Llapit, Tahir Batatinës, i cili nuk po heq dorë nga kjo pozitë.

Batatina është i deklaruar publikisht se e synon pozitën e trajnerit te “Dardanët”.

“Është legjitime për ambicie. Po mendoni se Batatina nuk mundet t’i arrijë rezultatet e Giresse dhe Gliha? Po më pëlqen konsistenca e tij dhe besimi. Ka treguar rezultate. E ka organizuar klubin me kushte prej A deri në Zh. Besoj se nëse nuk mundemi me marrë emër të madh, kisha vendos për selektor shqiptar. Prej vendorëve në bazë të rezultateve sportive është Ilir Daja. Por, reprezentacionin nuk e gjen mirë si Ballkanin. Aty pret punë shumë më e madhe”, deklaroi Munishi.

Emisioni sportiv “Favorit” transmetohet çdo të diel në T7, si dhe në kanalin zyrtar të televizionit në “YouTube”.