Ministri i Financave, Hekuran Murati ka përgjigje të njëjtë me kryeministrin Albin Kurtin sa i përket formimit të qeverisë.

“Në lidhje me këtë çështje, besoj se vlen ajo që ka thënë kryeministri. Pra, fillimisht do të presim përfundimin e procesit të numërimit, certifikimin e rezultateve, konstituimin e Kuvendit dhe më pas mund të flasim për formimin e qeverisë”, ka thënë Murati, pas një konference për media me zëvendëspresidentin e Bankës Botërore për Financimin e Zhvillimit, Akihiko Nishio.