Sulmuesi i Kosovës, Vedat Muriqi ka shkëlqyer në kampionatin spanjoll me skuadrën e Mallorcas. Ai ka realizuar gol edhe në ndeshjen ndaj Real Betis, e cila përfundoi me rezultat 2-1. Sulmuesi “dardan” ka thënë se skuadra e tij nuk e ka merituar humbjen.

“Nuk e kemi merituar humbjen në këtë përballje. Kemi mundur të marrim një pikë ndaj një rivali të vështirë si Betisi. Penalltia ishte e turpshme dhe nuk mendoj se duhej të akordohej, por ne duhet të vazhdojmë të luftojmë. Jam i lumtur me golin por dua që ai të shërbejë për të fituar pikë”, ka thënë Muriqi.