Në Universitetin e Saint Gallenit në Zvicër, gazetarja dhe redaktorja e RTK-së, Ramize Murtezi-Shala mbajti një ligjeratë, në të cilën ka folur për situatën në mediat e Kosovës, për fenomenin e lajmeve të rreme, ose fake news, për temat të cilat trajtohen në emisionin “Udhëve” dhe për librin “Unë e përdhunuara”.

Të pranishmit u interesuan më shumë për raportet media politike në Kosovë, mosndëshkimin e krimeve të luftës sidomos përdhunimet gjatë luftës dhe neglizhencën institucionale në këtë drejtim.

Universiteti i Saint Gallen renditet ndër Universitetet më prestigjioze në botë.

Shumë të rinjë me prejardhje nga Kosova ndjekim studimet në këtë Universitet.

Gazetarja Murtezi-Shala është ftuar nga Asociacioni i Studentëve Shqiptarë që funksionon në kuadër të këtij Universiteti.

Ligjërata është moderuar nga studentja e dalluar e në master në Universitetin e Saint Gallen, Edona Elshani.