Miliarderi Elon Musk duhet të shesë rreth 10 përqind të aksioneve të tij të Tesla-s, sipas 57.9 përqind të njerëzve që votuan në sondazhin e tij në Twitter të dielën pasi ngriti një sondazh për përdoruesit e rrjetit të mediave sociale nëse ai duhet t’i shesë një pjesë të aksioneve.

Sondazhi mblodhi më shumë se 3.5 milionë vota. Musk ka thënë se ai nuk merr rrogë në para ose bonus “nga askund” dhe ka vetëm aksione.

Demokratët në  Senatin Amerikan kanë zbuluar një propozim për të taksuar aksionet e miliarderëve dhe asetet e tjera të tregtueshme për të ndihmuar financimin e agjendës së shpenzimeve sociale të Presidentit Joe Biden dhe për të mbushur një boshllëk që i ka lejuar ata të shtyjnë taksat mbi fitimet kapitale për një kohë të pacaktuar.

Musk e ka kritikuar propozimin duke thënë: “Përfundimisht, atyre u mbarojnë paratë e njerëzve të tjerë dhe pastaj vijnë për ju”. Që nga 30 Qershori, aksionet e Musk në Tesla arritën në rreth 170.5 milionë dhe shitja e 10% do të arrinte në afërsisht 21 miliardë dollarë bazuar në mbylljen e së premtes, sipas llogaritjeve të Reuters