Një nga njerëzit më të afërt të presidentit aktual të SHBA-së, Donald Trump, Elon Musk, tha se shpreson të krijojë një zonë tregtare pa tarifa midis Shteteve të Bashkuara dhe Evropës, raporton BBC.

“Shpresoj se ata do të bien dakord që si Evropa ashtu edhe Shtetet e Bashkuara të lëvizin, të paktën sipas mendimit tim në mënyrë ideale, drejt një sistemi pa tarifa, i cili në thelb do të krijonte një zonë të tregtisë së lirë midis Evropës dhe Amerikës së Veriut”, tha Musk, duke folur përmes video-lidhjes në kongresin e partisë së krahut të djathtë të Italisë.

Ai shtoi se krahas heqjes së detyrimeve doganore duhet të mundësohet edhe lëvizja më e lehtë e njerëzve ndërmjet kontinenteve.

“Unë jam gjithashtu në favor të më shumë lirisë për njerëzit që të lëvizin midis Evropës dhe Amerikës së Veriut nëse duan. Kjo, në fund të fundit, ishte këshilla ime për presidentin,” tha Musk.

Sipas BBC, kjo duket të jetë deklarata e parë e Musk për tarifat pasi Trump njoftoi tarifa të reja për mallrat nga pothuajse e gjithë bota.

Musk shfrytëzoi rastin për të kritikuar rregulloret e BE-së, duke thënë se ato mbysin sipërmarrjen.

“Për shkak të rregulloreve strikte evropiane, Evropa nuk është një vend i mirë për të filluar një biznes të ri”, tha Musk.