Elon Musk, miliarder dhe drejtor ekzekutiv i “Tesla”, ka bërë një thirrje të drejtpërdrejtë për presidentin amerikan Donald Trump për të hequr tarifat e reja mbi importet, por kjo kërkesë nuk ka gjetur mbështetje.

Pas shpalljes së tarifave prej 10 për qind për të gjitha importet që vijnë nga vendet që vendosin taksa mbi produktet amerikane, Musku ka kërkuar heqjen e këtyre masave, veçanërisht për tregtinë midis ShBA-së dhe Bashkimit Evropian.

Kjo kërkesë e tij u bë gjatë një kongresi virtual në Firence, sipas një raporti nga “Reuters”.

Musku ka theksuar se ndikimi i këtyre tarifave mbi “Tesla”-n është i madh, duke e quajtur atë “të rëndësishëm” për kompaninë e tij. Ekonomistët kanë paralajmëruar se tarifat mund të çojnë në rritjen e inflacionit dhe të rrisin kostot për çdo familje amerikane, duke i bërë ata të paguajnë më shumë për produktet e importuara.

Po ashtu, ata kanë paralajmëruar këto masa mund të kontribuojnë në një recesion të mundshëm në ShBA.