![](https://www.epokaere.com/wp-content/uploads/2018/05/musliu.jpg)
Musliu: Isha aty kur i fotografuan fëmijët, administrata e Kuvendit ua dha fotot
Deputetja e Partisë Demokratike të Kosovës (PDK), Ganimete Musliu, ka thënë se ka qenë prezente në hollin e Kuvendit të Kosovës gjatë kohës kur disa fëmijë janë fotografuar duke mbajtur në duar fotografi të kryetarit të Kuvendit, Glauk Konjufca dhe presidentes Vjosa Osmani.
Sipas Musliut, ato fotografi fëmijëve u janë dhënë nga administrata e Kuvendit.
“Mos i gjykoni mësueset, fotot fëmijëve ua dhanë administrata e Kuvendit të përkrahur edhe nga dikush tjetër aty. Nuk linin hapësirë për të ju shpjeguar asgjë siç ka ndodhë çdo vit, thuajse e kanë pasur obligative vetëm të sfilojnë me këto foto”, ka shkruar ajo në llogarinë e vet në “Facebook”.
Më tutje, Musliu ka thënë se mësuesit dhe fëmijët janë të pafajshëm, teksa ka përmendur se edhe nipi i saj është fotografuar me fotografinë e Osmanit.
Skandaloze, keqpërdoren fëmijët me figura që nesër mund t’i turpërojnë rëndë