Deputetja e Partisë Demokratike e Kosovës, Ganimete Musliu një ditë më parë kishte thënë se Dejona Mihali e Vetëvendosjes duhet të shpallet person non-grata.

Këtë deklaratë Musliu e bëri në një emision në RTV 21, ku ndër të tjera tha se Mihali po dirigjon deputetët e Vetëvendosjes edhe se si të votojnë në Kuvend.

Ndërkaq, sot deputeti i Lëvizjes Vetëvendosje, Adnan Rrustemi ka publikuar një fotografi duke pirë kafe kryeministrin Albin Kurti, me Dejona Mihalin dhe me anëtarë tjerë të kësaj partie.

Në fotografinë e publikuar në rrjetin social në Facebook, Mihaili shihet afër kryeministrit Albin Kurti.

Po ashtu në këtë fotografi shihen edhe ministria e Drejtësisë, Albulena Haxhiu, kryetari i Kuvendit, Glauk Konjufca, Mimoza Kusari-Lila, Saranda Bogujevci e të tjerë.

Rrustemi në këtë postim ka shkruar: Dejona tha: “Nuk mund t’iu lë vetëm dhe nuk mund të ulem diku tjetër”.