Kryetarja e Komisionit për Mbikëqyrjen e Agjencisë së Kosovës për Inteligjencë, Ganimete Musliu, ka thënë se që gjendja e sigurisë është në nivelin e duhur.

Këta garanci, ajo ka thënë se e kanë marrë nga drejtori i Agjencisë së Kosovës për Inteligjencë, Petrit Ajeti.

Musliu pas raportimit të Ajetit, ka thënë se nuk parashihet ndonjë rrezik i sigurisë kombëtare. Ajo ka theksuar se nga drejtori janë njoftuar edhe për sfidat dhe për mundësin e bashkëpunimit për tejkalimin e tyre.

“Sot kishim në raportim të rregullt për fund vit drejtori e AKI-së. U njoftuam për gjendjen e sigurisë në vend dhe sigurisë kombëtare”.

“Mund të konstatojmë që gjendja e sigurisë është në nivelin e duhur, nuk parashihet ndonjë rrezik i mundshëm i sigurisë kombëtare dh të gjithashtu folëm për sfida me të cila është ballafaquar Agjencia gjatë kësaj periudhe dhe për mundësinë e tejkalimit të këtyre sfidave”.

“Ne kemi ofruar bashkëpunim për aq sa na takon neve dhe jemi në takime të rregullta ku dhamë rekomandimet dhe sugjerimet dhe bëjmë kontrollin  demokratik në bazë të ligjit dhe Rregullores së Kuvendit. Drejtori i ka kryer një obligim ndaj Komisionit dhe qytetarëve”, është shprehur Musliu.