![](https://www.epokaere.com/wp-content/uploads/2019/07/77109785-0844-4422-B435-610DB5753E1B.jpeg)
Mustafa e quan Pal Lekajn kriminel, ja çfarë përgjigje i kthen Lekaj
Kanë vazhduar polemikat në distancë mes kryetarit të LDK-së, Isa Mustafa, dhe ministrit të Infrastrukturës, Pal Lekaj.
Në rrjetin social “Facebook” Mustafa dhe Lekaj i kanë reaguar njëri-tjetrit.
Mustafa në postimin e fundit në llogarinë e vet në “Facebook”, e ka quajtur Lakajn kriminel.
“Zoti minister Lekaj, Unë vajtoj dhe ndjej dhembje për njerëzit që po vriten në rrugë nga ata që zyrtarët e ministrisë tuaj dyshohet se po ua shesin lejet e vozitjes, pa provim. Vetëm kriminelët mund të sillen me shpërfillje në këtë situatë”, ka shkruar Mustafa.
Këtij postimi të Mustafës i është përgjigjur Lekaj me këto fjalë: “Ish-kryeministër, e dimë të dytë që po bëhen gjëra të mëdha, por nuk jam “zoti” siç po më drejtoheni. Ka ikur koha kur keni ndikuar në drejtësi. Facebook-u ju la në shtëpi, sepse nga ky rrjet nuk rregullohen gjërat dhe për më tepër, akuzat që po bëni nuk ju kanë hije, si njeri i përgjegjshëm, i dini adresat, nëse keni argumente”, ia ka kthyer Lekaj, liderit të LDK-së.