Kryetari i Lidhjes Demokratike të Kosovës (LDK), Isa Mustafa, i shoqëruar nga nënkryetarja e kësaj partie, Vjosa Osmani dhe anëtari i Kryesisë, Besian Mustafa, ka pritur në takim ambasadorin e Gjermanisë në Kosovë, Christian Heldt.

Kryetari Mustafa e ka falënderuar ambasadorin Heldt për bashkëpunimin dhe përkrahjen e vazhdueshme që i ka dhënë Gjermania Kosovës në të gjitha proceset.

Po ashtu, kryetari Mustafa e ka njoftuar ambasadorin Heldt për rrjedhën e bisedimeve me Lëvizjen Vetëvendosje drejt formimit të koalicionit bashkëqeverisës.

Ndërsa ambasadori gjerman, Christian Heldt, ka falënderuar kryetarin Mustafa për pritjen dhe bashkëpunimin dhe ka shprehur gatishmërinë që ky partneritet të vazhdojë edhe në të ardhmen.

/Epoka e re/