Kryetari i Lidhjes Demokratike të Kosovës (LDK), Isa Mustafa ka thënë se do të jetë rrënuese e shtetit të Kosovës iniciativa për shfuqizimin e Ligjit për Gjykatën Speciale.

“Si kryetar i LDK-së i konsideroj rrënuese për shtetin tonë dhe të dëmshme për drejtësinë iniciativat për shfuqizimin e Ligjit për Gjykatën Speciale. E përkrah plotësisht qëndrimin e grupit tonë parlamentar për këtë çështje”, ka shkruar Mustafa në profilin e vet në “Facebook”.