Kryetari i Lidhjes Demokratike të Kosovës (LDK), Isa Mustafa, ka takuar sot ambasadorin e Britanisë së Madhe në Kosovë, Nicholas Abott.

Pas këtij takimi, Mustafa ka thënë se ambasadat e huaja janë të interesuar që Kosova ta ketë qeverinë e re. “Edhe ne jemi të interesuar që sa më shpejt Kosova të bëhet me Qeveri”, ka deklaruar Mustafa.

Mustafa ka treguar se sot LDK-ja do të mbajë mbledhjen e Kryesisë në të cilën do të diskutojë për koalicionin e mundshëm me Lëvizjen Vetëvendosje.