Ministrja e Arsimit Arbërie Nagavci ka reaguar pasi që Kuvendi i Kosovës sot miratoi propozimin për emërimin e 15 anëtarëve të Këshillit Kombëtar të Shkencës.

Ajo me këtë rast ka falënderuar deputetët që e votuan këshillin, pa marrë parasysh grupin parlamentar.

“Uroj suksese për KKSH-në dhe pres që së shpejti të kemi edhe Programin Kombëtar të Shkencës, ndërkohë që do të kujdesemi edhe për sigurimin e kushteve dhe mjeteve të nevojshme financiare për veprimtarinë kërkimore shkencore”, shkruan ministrja në një postim në Facebook.

Këshilli Kombëtar i Shkencës është trupë profesionale që përkujdeset për zhvillimin sistemor të veprimtarisë kërkimore-shkencore dhe teknologjike në Republikën e Kosovës.

Kosova ka qenë pa Këshill Kombëtar të Shkencës prej qershorit 2011, ndërsa Programi Kombëtar i Shkencës ka skaduar në vitin 2015.

Anëtarët e Këshillit Kombëtar të Shkencës me mandat katërvjeçar janë:

Shkencat e Natyrës:

1.Fetah Podvorica

2.Mihone Kerolli

3.Ardian Gojani

Inxhinieria dhe Teknologjia:

4.Myzafere Limani

5.Ardian Morina

Shkencat e Mjekësisë dhe Shëndetit:

6.Zanfina Ademi

7.Fisnik Kurshumliu

Shkencat e Bujqësisë dhe Veterinës:

8.Bajram Berisha

9.Hysen Bytyçi

Shkencat Shoqërore:

10.Aliriza Arenliu

11.Gazmend Qorraj

12.Armend Tahirsylaj

13.Serdan Kervan

Shkencat Humane:

14.Majlinda Bregasi

15.Arbnora Dushi