Trajneri i RB Leipzig, Julian Nagelsmann, ka deklaruar se PSG-ja e ka merituar kalimin në finale të Ligës së Kampionëve, pas fitores me rezultat 3-0.

“Tiketa e finales për Parisin është e merituar”, ka deklaruar Nagelsmann.

“Në minutat e parë të ndeshjes ne bëmë mirë dhe kishim situata të mira. Ishte e vështirë të rikthehemi në ndeshje pas golit të dytë sepse Paris ka shumë cilësi në skuadër. Është vështirë të pranohet, por ky është futbolli”, ka shtuar Nagelsmann.