Nagelsmanni mund të bëhet trajner i Real Madridit
Menaxheri aktual i Bayern Munchen, Julian Nagelsmann, po konsiderohet nga Real Madridi si zëvendësuesi i trajnerit Carlo Ancelotti, në rast se ky i fundit largohet nga klubi.
“El Nacional” ka raportuar se prioriteti i Real Madridit është ende që të marrë në bord ish-menaxherin e Chelsea, Thomas Tuchel, pasi Ancelotti të largohet, megjithatë, Nagelsmanni gjithashtu favorizohet fuqishëm nga administrata, shkruan Goal, transmeton Klan Kosova.
Po ashtu Real Madridi mbetet i hapur ndaj opsioneve në krahun e majtë pasi nuk ka arritur asnjë përparim me mbrojtësin francez, Ferland Mendy.
Sipas raportimeve nga “AS”, Los Blancos po e konsiderojnë seriozisht rikthimin e ish-produktit të akademisë Fran Garcia.
Real Madridi ende zotëron 50 për qind të të drejtave të Garcias dhe nuk do të duhet të shpenzojë shumë për spanjollin.
Mbrojtësi i majtë ka impresionuar me paraqitjet e tij për Rayo Vallecano.