Gazetarit  Mustafa Nano ka mohuar raportimet e medieve se djali i tij është  therë  me thikë.

Në profilin e tij në “Facebook”, ai ka shkruar se nuk ka djalë me emrin Gerian, siç  kanë raportuar mediet.

Sipas tij, ky lajm  ka qenë fake news.

Postimi i plotë i Mustafa Nano:

Fake news!!! Ka qysh dje që një numër portalesh, të Shqipërisë e Kosovës, kanë nxjerrë një lajm me titull “Plagoset me thikë i biri i Mustafa Nanos”. Unë nuk kam ndonjë djalë me emrin Gerian. Nuk kam as ndonjë djalë 34 vjeç. Është një lajm krejt i rremë, i sajuar kotmëkot bazuar te mbiemri Nano. Dhe e bukura është se edhe mbiemri i të plagosurit nuk është Nano. Por është Mano. Dhe kjo e bën gabimin edhe më të pafalshëm. Është një lajthitje që nxjerr në pah edhe një herë papërgjegjshmërinë e disa reporterëve, që bëjnë lajme (ose marrin lajme nga njëri-tjetri) pa bërë asnjë lloj verifikimi, duke shmangur edhe mundimin e një telefonate. Turp!

Ka ende disa portale që e mbajnë këtë “fake news”. Ju bëj thirrje ta heqin urgjentisht. Në mos, do t’i çoj në gjyq, ku alibia se “e morën nga të tjerët” nuk do t’u vlejë.