Mbrojtësi Ardian Ismajli vazhdon të jetë opsion për Napolin edhe Lazion, skuadra që po tentojnë të sigurojnë shërbimet e tij gjatë këtij muaji. Ismajli që është pjesë e Empolit po pëlqehet si nga Napoli ashtu edhe Lazio pas paraqitjeve të mira që këtë sezon i ka treguar në Serie A.

28-vjeçari është ndër mbrojtësit më të vlerësuar në kampionatin italian, ndërsa këtë sezon ka 22 paraqitje në të gjitha garat për Empolin. Ai pritet të largohet nga Empoli në këtë afat kalimtar apo në verë kur edhe i skadon kontrata pasi po dëshiron që karrierën ta vazhdoj në ndonjë skuadër më të madhe. Ismajli prej vitit 2021 është pjesë e Empolit, ndërsa karrierë në Itali ka bërë edhe te skuadra e Spezias.