Napoli e ka bërë prioritet afrimin e sulmuesit Edon Zhegrova nga Lille në afatin e janarit.

Gazetari Fabrizio Romano raporton se ylli i Kosovës është kontaktuar nga skuadra italiane, ku gjendet edhe Amir Rrahmani megjithatë Lille po e vështirëson situatën. Sipas tij, Lille nuk dëshiron ta shet Zhegrovën kësisoj nuk po ia hap derën largimit të munshëm të janarit.

“Napoli e ka kontaktuar edhe Lille këtë javë për Edon Zhegrovën, i cili është lartë në listën e tyre. Napoli e vlerëson Zhegrovën, por Lille nuk ia ka hapur derën një largimi të janarit deri më tani, nuk po e bën të lehtë sepse nuk dëshiron ta mbajë”, ka shkruar ai.

Zhegrova këtë sezon po vazhdon të kalojë një formë fantastike te klubi francez, ku ka regjistruar 17 paraqitje në Ligue 1 dhe Ligën e Kampionëve, duke kontribuar me pesë gola e dy asistime në përgjithësi. Kartoni i tij e kap vlerën e 25 milionë eurove ndërsa pëlqehet shumë edhe nga AC Milani e Juventusi.