Udhëheqësi i Hezbollahut, Sayyed Hassan Nasrallah, paralajmëroi për një luftë “pa rregulla apo tavane” në rast të një ofensive të plotë izraelite kundër milicisë libaneze, pasi ai kërcënoi se Qipro mund të bëhej një objektiv nëse lejonte që Izraeli të përdorte territor në çdo konflikt.

Qiproja dhe Izraeli kanë një marrëveshje dypalëshe të bashkëpunimit të mbrojtjes, e cila ka parë që vendet të kryejnë stërvitje të përbashkëta, raporton The Guardian.

“Hapja e aeroporteve dhe bazave qipriote ndaj armikut izraelit për të shënjestruar Libanin do të thotë se qeveria qipriote është pjesë e luftës dhe rezistenca do ta trajtojë atë si pjesë e luftës”, tha shefi i Hezbollahut.