ELIRONA MAHMUTI

NATA E 2 PRILLIT

 (Të vrarëve të natës së 2 prillit 1999 në Gjakovë)

At’ natë fqinja na kish tregu që paska me ra shi

E tha n’gjuhën e saj, që as sot s’e di

Errësira erdhi, erdhën retë, shiu rigoi

Ahh tash e morëm vesh çfarë resh’ pa fqinja

Krisma e ulërima, natës po i dilnin thinja

Derë m’derë trokiste vdekja atë natë

Derë m’derë vinte flaka atë natë

Derë m’derë shuheshin engjëj atë natë

Derë m’derë po iknim atë natë

Dielli doli por dritë nuk kishte

Ditë e re pranvere duhej t’ishte

Rrugë çarshie shtruar n’martirë lirie

 (Kjo poezi është botuar në sprovën për antologji “Dritë mbi plagë”, botuar nga Qendra “Gjenocidi në Kosovë – Plagë e Hapur”, Gjenevë, 2020)