NBA synon t’i rikthejë spektatorët në stadiume për t’i ndjekur ndeshjet për sezonin e ri 2020-2021 që do të nisë më 22 dhjetor.

Gjithsesi, prania e tyre do të jetë e limituar dhe në varësi të kapacitetit të stadiumit. Ideja e komisionarit Adam Silver është që numri i tifozëve të jetë nga 25 deri në 50 % të kapacitetit të stadiumit. Të gjithë tifozët do të qëndrojnë në distancë nga njëri-tjetri dhe do të mbajnë maskë.

Para ndeshjes tifozëve do t’u matet temperatura dhe të gjithë do të jenë të identifikuar nga klubet pritëse.