NBA po vlerëson shumë mënyra për të përfunduar sezonin 2019-2020, pasi ndërprerja e tij do të sillte një humbje prej 1 miliardë dollarësh.

Sipas mediave amerikane (Washington Post dhe CNBC), ideja më e fundit është zhvillimi i një turneu në Las Vegas.

Në këtë rast, do të anulohej pjesa e mbetur e sezonit të rregullt, duke krijuar një turne për të përcaktuar ekipet që do të shkojnë në fazën “pla-off”. Në këtë turne marrin pjesë ekipet me rekordin më të dobët, raporton “telesport”.

Më pas nis raundi i parë çerekfinale, jo më me 7 ndeshje, por me 5 (kualifikohet më tej ekipi që ton 3 ndeshje). Ky sistem do të vijojë më pas edhe më fazën gjysmëfinale e në fund atë finale të secilës Konferencë si dhe finalen e madhe.

Ndeshjet do të luheshin në “Thomas&Mack Center” dhe “Cox Pavilion” të Las Vegasit, ku zhvillohet edhe Summer League.