Ka ndërruar jetë, eprori lartë i UÇK-së dhe nënkoloneli Forcave Ajrore Shqiptare Agim Ismail Sallaku.

Lajmi është bërë i ditur nga familjarë dhe miq të të ndjerit. Ngushëllime familjes dh bashkëluftëtarëve u ka shprehur edhe Fatmir Limaj, i cili ka thënë se me dhimbje të madhe e ka pranuar lajmin për vdekjen e Sallakut.

“Të dashur bashkëluftëtar e kam shumë të vështirë të ju njoftojë me lajmin e hidhur të ndarjes nga jeta të eprorit dhe komandantit të UÇK-së sikurse edhe nënkolonelit dhe të skuadrilës së helikopterëve të Forcave të Armatosura Shqiptare nënkolonel: Agim Ismail Sallaku. Agimin për herë të parë e njohëm në Feken ku edhe Qendra stërvitore e UÇK-së ai në atë kohë ishte kadet ku edhe dha një kontribut të jashtëzakonshëm në përgatitjen e luftëtarëve të lirisë.

Nënkolonel Agimi në përfundim të Akademisë Ushtarake si kadet ju bashkangjit Ushtrisë Çlirimtare të Kosovës nga Qendra Stërvitore e Fekenit duke mos e njoftuar as vet familjen, ai nuk mundi të ndahej nga mijëra vullnetar të UÇK-së por vazhdojë së bashku me ata në vijat e frontit. Mirënjohje e thëllë për kontributin kombtar të dhënë në luftën çlrimtare të UÇK-së dhe si një profesionist i vërtetë në Ushtrinë Shqiptare. Varrimi të ndjerit organizohet nesër ora 13:00 në Varrezat e Farkës në Tiranë! Prehu i qetë nënkolonel dhe luftëtar i lirisë! Ngushëllime familjes bashkëluftëtarëve dhe mbarë Ushtrisë Shqiptare”, thuhet në njoftim.